Çorbë me spinaq

nga **vera** Mon Jun 07, 2010 2:34 am

Për 4 persona:
* 600 gr spinaq
* 200 gr oriz
* 4 lugë parmezan
* 1 vezë
* 50 gr gjalpë
* 2 kube supë e gatshme
* vaj, kripë dhe piper i zi
Përgatitja:
Në tenxhere në zjarr hedhim ujë dhe i shtojmë kubet e supës së gatshme.
Në tenxhere tjetër në zjarr e hedhim gjalpin. Spinaqin e pastruar dhe të larë e presim në copë dhe e skuqim në gjalpin e shkrirë. Hedhim kripë dhe në tenxhere e derdhim supën e zier. Pasi zien çorba, në tenxhere e shtojmë orizin.

Tenxheren me çorbën e zier e heqim nga zjarri. E thyejmë vezën dhe e rrahim me tel kuzhine. Në enën me vezën e rrahur shtojmë një lugë parmezan. Në pjatën e thellë vëmë nga veza dhe parmezani. Me garuzhdë, në pjatë vëmë nga çorba. Hedhim parmezan.
Me këtë pjatë rekomandohet vera e thatë e bardhë.