Lajmet nga Sporti 25.08.2009

Huntelaar i gatshëm për debutim në derbi



Sulmuesi i ri i Milanit, Klaas-Jan Huntelaar, është gatshëm të bëjë debutimin e tij në Serie A me fanellën kuqezi këtë vikend në derbin kundër Interit.
“Këtu jam shumë mirë, të gjithë janë të këndshëm me mua. Dhe është një vend i qetë për të punuar. Derbi do të jetë një ndeshje e mirë për debutimin tim, një ndeshje e vështirë dhe do të jetë shkëlqyeshëm të luaj aty për të parën herë”, ka thënë Huntelaar.

“Inter është një ekip i mirë, por unë jam këtu për të dhënë më të mirën nga vetja. Ne duhet ta krijojmë fatin tonë dhe do të përpiqemi të luajmë një ndeshje të shkëlqyeshme”, ka shtuar holandezi.

Berlusconi: Nuk do ta ndërroja Ronaldinho me askënd



Presidenti i Milanit, Silvio Berlusconi, ka qenë i ngazëllyer me paraqitjen e Ronaldinhos në fitoren e së shtunës ndaj Sienës.
“Ronaldinho, edhe pse është 29 vjeçar me moshë, ai është një lojtar të cilin nuk do ta ndryshoja me asnjë në botë”, ka thënë Berlusconi.

“Në cilëndo pozitë që e zgjidhni të luajë, gjithmonë do t’ia vlejë çmimi i biletës për ato fansa të cilët dëshirojnë të jenë dëshmitarë të lojës së tij”, ka shtuar kryeministri italian.

Braziliani krijoi të dy golat për Alexandre Paton në ndeshjen e fundit.

Wenger: Eduardo mund të jetë ndryshimi këtë sezon



Menaxheri i Arsenalit, Arsene Wenger, thotë se nëse Eduardo da Silva qëndron i palënduar këtë sezon, mund bëjë diferencën dhe ndihmojë në fitimin e titullit.
“Njerëzit harojnë se në fund të sezonit në ndeshjet e mëdha, ne nuk e kemi pasur William Gallas, nuk e kemi pasur Gael Clichy, as Eduardo, e as Tomas Rosicky”, ka thënë Wenger.

“Ju mungojnë këta lojtarë të rëndësishëm. Në ndeshje të mëdha, nëse Eduardo luan, gjithmonë duhet të shpresosh se ai mund të shënojë gola”, ka shtuar francezi.

Villa trondit Liverpoolin



Liverpool ka pësuar edhe goditjen e dytë në tre ndeshjet e para të sezonit të ri në Ligën Premier, duke u mposthur me rezutlat 3-1 nga Aston Villa në Anfield.
Një autogol nga Lucas Leiva pas më shumë se gjysmë ore lojë (34’), u pasua nga një gol tjetër i shënuar nga Curtis Davies pak para pauzës, për t’i dhënë epërsinë e dyfishtë ekipit mysafir që në pjesën e parë të ndeshjes.

Fernando Torres shënoi një gol kur kishin mbetur edhe 20 mintua nga fundi i kohës së rregullt, por pas vetëm një minute, kapiteni Steven Gerrard iu dha një penalti mysafirëve, derisa nga pika e bardhë i saktë ishte Ashley Young.

Portieri i Villas, Brad Friedel, bëri disa ndërhyrje të rëndësishme më vonë, për të ruajtur fitoren e mysafirëve.

Pas tre ndeshjeve të para në Ligën Premier, Liverpooli mbledh vetëm tri pikë, po aq sa Aston Villa.

Chelseat provon shansin e fundit për Agueron



Chelsea raportohet se dëshiron ta mbyllë afatin kalimtar të verës duke transferuar yllin e Atletico Madrid, Sergio Aguero, për një shumë jo më pak se 48 milionë euro.
Blutë një kohë të gjatë janë lidhur me një transferim të argjentinasit 21-vjeçar, që vlerësohet nga Atletico me 57 milionë euro.

Pavarësisht se Carlo Ancelotti është 100% i saktë në futbollin anglez, duke fituar Superkupën e Anglisë (Community Shield) si dhe të tre ndeshjet e para të Ligës Premier, italiani dëshiron të shtojë edhe një yll në skuadrën e tij, dhe Aguero është në lisën e ngushtë të kandidatëve.

Argjentinasi megjithatë ka luajtur për Atletico Madrid në Ligën e Kampionëve, ndërsa klubi spanjoll dëshiron t’i ofrojë kontratë të re atij.

Sylvinho nënshkruan kontratë njëvjeçare me Cityn



Mbrojtësi i majtë brazilian, Sylvinho, ka nënshkruar marrëveshje njëvjeçare me Manchester Cityn.
Klubi anglez ka zbuluar se ish-mbrojtësi 35-vjeçar i Barcelonës do të mbulojë mbrojtësin e majtë anglez, Wayne Bridge.

Ai është i fundit që arrin në City, që tashmë ka nënshkruar me Carlos Tevez, Gareth Barry, Roque Santa Cruz, Kolo Toure dhe Emmanuel Adebayor.

Klubi po ashtu ka arritur marrëveshje me Evertonin dhe pritet të nënshkruajë edhe me mbrojtësin anglez Joleon Lescott.

Del Piero i gatshëm për Romën



Kapiteni i Juventusit, Alessandro del Piero, thotë se ai është i gatshëm për ndeshjen e vikendit kundër Romës.
“Jemi shumë të lumtur që kemi filluar sezonin e ri me fitore. Ishte një ndeshje e vështirë dhe u munduam shumë, por në fund të ditës i morëm tre pikë”, ka thënë Del Piero.

“Nuk luajta kundër Chievos për shkak të efekteve pas një inflamacioni, por mendoj se do të jem në fushë kundër Romës të dielën”, ka shtuar italiani.

Ancelotti lavdëron Milanin



Menaxheri i Chelseat, Carlo Ancelotti, është impresionuar duke shikuar Milanin derisa mposht Sienën me rezultat 2-1.
50-vjeçari, i cili drejtoi rosonerët nga viti 2001 deri në fund të sezonit të kaluar, i ka dhënë komplimente pozitive ish-ekipit të tij.

“Pash një Milan të shkëlqyeshëm. I uroj secilit”, ka thënë ai për La Gazzetta dello Sport.

Milani do të ketë një test të vështirë në vikendin e ardhshëm, pasi do të përballët me rivalin e qytetit, Milanin.

Ancelotti, në anën tjetër, është duke shijuar një sukses edhe në Angli, pasi ka fituar pikët maksimale, nëntë, nga tre ndeshjet e para në Ligën Premier.

West Ham transferon Pandevin?



Mediat italiane shkruajnë se West Ham United ka arritur marrëveshje me sulmuesin e Lazios, Goran Pandev.
Sipas Calciomercato.it, Pandev do të kalojë në Upton Park për një shumë prej 4.3 milionë funtesh, pasi transferimi i tij te Zenit St Petersburg dështoi.

Sulmuesi maqedonas mund të bëjë debutimin e tij për West Hamin që në vikend kundër Blackburn Rovers.

Ekipi romak thuhet se ka pranuar ofertën e West Hamit dhe do të marrë edhe 50% të shumës nëse 26-vjeçari largohet nga klubi anglez në dy vitet e ardhshme.

City dhe Everton arrijnë marrëveshje për Lescott



Manchester City ka zbuluar me anë të një deklarate në faqen zyrtare të klubit, se ka arritur marrëveshje me Evertonin, për të transferuar mbrojtësin anglez, Joleon Lescott.
Evertoni më herët i ka refuzuar dy oferta të Cityt, por jo edhe të tretën, e cila thuhet se kap vlerën e 24 milionë funteve.

“City mund të konfirmojë se ka arritur marrëveshje me Evertonin për të transferuar Joleon Lescott. Lëvizja do të bëhet pasi të arrihet marrëveshje për kushtet personale me lojtarin dhe pas kalimit të testeve mjekësore”, thuhet në deklaratën e klubit.

Lojtari sot pritet t’i kalojë testet mjekësore dhe të nënshkruajë kontratë me qytetarët.